சிறகு தொலைத்த பறவை
காட்டை நோக்கி செல்ல செல்ல
விரியும் காடு விரிய விரிய
குழல் தேடி வந்த இசை
தொலைத்த துளைகளின்
நடுவே முளைத்திருக்கும்
புல் காற்றில் நடனமிடுகிறது!
துப்பாக்கியினுள் தயாராக வரிசையில்
நிற்கும் தோட்டாக்களை எடுத்து
மகளுக்கு தோடாக்கி விட
நினைக்கும் மனம் கொண்டவன்
சுடுகிறான் தன் எதிரியில்லாதவனை
கிணற்றுக்குள் எட்டி பார்க்கையில்
முகத்தை சுற்றி மிதக்கும் நீருக்குள்
சில இன்னொரு கிணறு
பிறந்து மூழ்குகிறது
எக்கி எக்கி பார்க்கும்
பச்சோந்தியின் வால் கிளையை
இறுக்கிப் பிடித்திருப்பது
வீழாமல்இருப்பதற்கல்ல