சிரிக்கும் இதயம் - சார்லஸ் புக்காவஸ்கி (தமிழில் ஆர்.அபிலாஷ்)

-    உன் வாழ்க்கை உன்னுடையதே
-    அடி வாங்கி ஈனத்தனமாய் அடங்கிப் போக விடாதே உன் வாழ்வை
-    கவனித்து காத்திரு
-    மேலெழ வாய்ப்புண்டு
-    எங்கோ ஒளிக்கீற்று தெரியலாம்
-    அது ரொம்ப வெளிச்சமொன்றுமல்ல தான்
-    ஆனால் இருட்டை அழிக்க போதுமானது
-    கவனித்து காத்திரு
-    கடவுள்கள் உனக்கு வாய்ப்புகள் அளிப்பார்கள்
-    அவற்றை உணர்ந்திடு
-    பயன்படுத்து
-    உன்னால் மரணத்தை வெல்ல முடியாது ஆனால்
-    வாழ்க்கையில் மரணத்தை வெல்லலாம், சிலவேளை.
-    எவ்வளவு அதிகமாய் இதைச் செய்ய கற்கிறாயோ
-    அவ்வளவு அதிகம் வெளிச்சம்
-     உன் வாழ்வில்
-    உன் வாழ்க்கை உன்னுடையது,
-    வாழ்க்கை இருக்கும் போது அதை உணர்ந்திடு.
-    நீ அற்புதமானவன்
-    உன்னில் ஆனந்தம் கொள்ள
-    கடவுள்கள் காத்திருக்கிறார்கள்.